მიუხედავად იმისა, რომ ბარსელონა ლა ლიგის ჩემპიონობას უახლოვდება, ჰანსი ფლიკი ზეიმს არ ჩქარობს. ოსასუნასთან სტუმრად მოპოვებული რთული გამარჯვების (2:1) შემდეგ, გერმანელმა სპეციალისტმა აღნიშნა, რომ საქმე ჯერ ბოლომდე მიყვანილი არ არის.
ბარსელონამ ტიტულისკენ მორიგი მნიშვნელოვანი ნაბიჯი გადადგა, თუმცა მათი საბოლოო ტრიუმფი დამოკიდებულია იმაზე, თუ როგორ ითამაშებს რეალი ესპანიოლის წინააღმდეგ.
ფლიკმა ხაზი გაუსვა გუნდური მუშაობისა და დისციპლინის მნიშვნელობას ძლიერ მეტოქესთან დაპირისპირებაში.
მწვრთნელის განცხადებით, პირველ ტაიმში გუნდი თამაშს აკონტროლებდა, თუმცა შესვენების შემდეგ ცვლილებები გახდა საჭირო. კერძოდ, ყვითელი ბარათის მქონე გავის ნაცვლად მოედანზე დე იონგი გამოვიდა, ხოლო რაშფორდისა და ფერანის მეშვეობით გუნდმა ტემპი გაზარდა.
ფლიკმა ისაუბრა იმ სირთულეებზეც, რაც გუნდმა მრავალი ტრავმის გამო გამოიარა. მან აღნიშნა, რომ ეს არის ასპექტი, რომლის გამოსწორებაც მომავალ სეზონში აუცილებელია. მიუხედავად ამისა, მწვრთნელი პოზიტიურად არის განწყობილი, რადგან მისი თქმით, ახალგაზრდულმა გუნდმა დიდ პროგრესს მიაღწია და მათ უზარმაზარი პოტენციალი აქვთ.
კითხვაზე, თუ როგორ ურჩევნია ტიტულის მოპოვება, უშუალოდ მოედანზე თუ მადრიდელთა ქულის დაკარგვის ხარჯზე, ფლიკმა უპასუხა, რომ ახლა ყველაფერი მათზე აღარ არის დამოკიდებული:
ჩვენი საქმე გავაკეთეთ, ახლა კი ესპანიოლის ხვალინდელ მატჩს უნდა დაველოდოთ. მთავარია ტიტულის მოგება და ჩვენ ვიზეიმებთ მაშინ, როდესაც ამის შესაძლებლობა გვექნება.
