ჰანსი ფლიკმა დიეგო სიმეონეს დამშვიდობების გარეშე წასვლის საშუალება არ მისცა.
ლა ლიგის მე-19 ტურის გადმოტანილ მატჩში ატლეტიკო ბარსელონასთან 1:3 დამარცხდა.
მადრიდელთა მთავარი მწვრთნელი, რომელიც ცნობილია იმით, რომ არ უყვარს მატჩისშემდგომი ხელის ჩამორთმევები, საფინალო სასტვენის შემდეგ პირდაპირ გასახდელისკენ გაეშურა. თუმცა, ფლიკმა მისი დაწევა გადაწყვიტა.
გერმანელმა ჩოლოს დაძახა, მივიდა, ჩაეხუტა და უკან მოედნისკენ დაბრუნდა.
