თურქულ შეკრებაზე მყოფმა ტორპედო ქუთაისმა პირველი ამხანაგური მატჩი დანიურ ლინგბისთან გამართა და 1:1 დაასრულა.
იმერლები მეორე ტაიმში ვლადიმერ მამუჩაშვილმა დააწინაურა, თუმცა დანიელებმა ანგარიში გაათანაბრეს და მეტი გოლი აღარ გასულა.
ლინგბი დანიის რანგით მე-2 დივიზიონში თამაშობს, 18 ტურის შემდეგ თანალიდერია და უმაღლესში დაწინაურებისთვის იბრძვის.
ქუთაისელები შემდეგ თამაშს, 15 თებერვალს, სომხურ არარატ-არმენიასთან გამართავენ.
თურქეთში გამგზავრებამდე, ტორპედომ წყალტუბოს სამგურალს 2:1 მოუგო, ხოლო ზუგდიდის ოდიშთან 0:1 დამარცხდა.
ეროვნული ლიგის ახალ სეზონს გუნდი საშინაო მატჩით იწყებს - 28 თებერვალს დებიუტანტ სპაერს უმასპინძლებენ.
