VIDEO: სომხური გუნდი დაამარცხეს - ტორპედომ თურქულ შეკრებაზე პირველი მატჩი მოიგო

თურქულ შეკრებაზე მყოფმა ტორპედო ქუთაისმა ამხანაგურ მატჩში სომხურ არარატ-არმენიას მოუგო.

იმერელთაგან შეხვედრაში ერთადერთი გოლი, 33-ე წუთზე, კისლეი ზიტამ ფლანგიდან გაკეთებული გადაცემის შემდეგ შეაგდო.

ტორპედოსთვის ეს მიმდინარე შეკრებაზე მე-2 მატჩი იყო - დანიურ ლინგბისთან 1:1 ითამაშეს. თურქეთში გამგზავრებამდე კი, წყალტუბოს სამგურალს 2:1 მოუგო, ხოლო ზუგდიდის ოდიშთან 0:1 დამარცხდა.

ეროვნული ლიგის ახალ სეზონს გუნდი საშინაო მატჩით იწყებს - 28 თებერვალს, დებიუტანტ სპაერს უმასპინძლებენ.