VIDEO: სამგურალის პირველი მარცხი თურქეთში - 18 წლის ჩხეტიანმა ზედიზედ მეორე მატჩში შეაგდო

წყალტუბოს სამგურალმა თურქულ შეკრებაზე პირველი თამაში წააგო - უზბეკურ სურხონისთან დამარცხდა.

მატჩის პირველი ტაიმი ნულოვანი ფრით დასრულდა, მეორე ნახევარში კი ჯერ უზბეკებმა 2 გოლი შეაგდეს, წყალტუბოელებმა კი მხოლოდ საბა ჩხეტიანის ზუსტი დარტყმით უპასუხეს - 1:2.

18 წლის ჩხეტიანმა ზედიზედ მე-2 ამხანაგურ შეხვედრაში გაიტანა - ლოკომოტივ ტაშკენტთანაც გამოიჩინა თავი.

დღევანდელ მატჩამდე, უშუალოდ თურქულ შეკრებაზე, იმერლებმა სომხურ ალაშკერტსა (3:1) და უზბეკურ ლოკომოტივ ტაშკენტს (2:0) მოუგეს.

იმერული კლუბი ეროვნული ლიგის 2026 წლის სეზონს 2 მარტს, გაგრასთან გასვლითი შეხვედრით იწყებს.