მძიმე წონის ხაზოვანმა ჩემპიონმა, ფრენსის ნგანუმ, UFC-ის პრეზიდენტის, დეინა უაითის მცდელობას, ჩაეშალა მისი ტრიუმფალური დაბრუნება, ირონიული სიცილით უპასუხა.
ზუსტად იმ მომენტში, როდესაც ნგანუ ფილიპე ლინსთან საბრძოლველად ოქტაგონისკენ მიემართებოდა, უაითი ინსტაგრამის პირდაპირ ეთერში შევიდა და წლის უდიდესი სენსაცია, კონორ მაკგრეგორისა და მაქს ჰოლოუეის რევანში გამოაცხადა. რა თქმა უნდა, ნგანუმ ოქტაგონზე გასვლამდე ამის შესახებ არაფერი იცოდა, მეტოქე პირველივე რაუნდში ეფექტური ნოკაუტით დაამარცხა და დაამტკიცა, რომ ყოფილი უფროსის ქმედებები საერთოდ არ ადარდებს.
მატჩის შემდგომ პრესკონფერენციაზე, როდესაც ჟურნალისტებმა დეინა უაითის ამ ნაბიჯზე ჰკითხეს, ნგანუმ მკაცრად და ირონიულად უპასუხა:
„საერთოდ რა ჩემი საქმეა? ანუ, ოქტაგონზე გასვლა უნდა შემეწყვიტა და მენახა, რას აკეთებდა დეინა? საერთოდ არ მაინტერესებს, ძმაო. წინ ვიყუროთ, ცხოვრება გრძელდება. მე ჩემს საქმეს ვაკეთებ, თანაც კარგად, და არანაირი პრობლემა არ მაქვს. ყველას შეუძლია გააკეთოს ის, რაც უნდა.“
უაითის ამ მზაკვრულმა გეგმა მიზანს მაინც ვერ მიაღწია, სოციალურ ქსელებში ნგანუს სახელი ზუსტად იმავე სიხშირით ტრენდებოდა, როგორც მაკგრეგორის დაბრუნება.
