იუთუბერმა და მოკრივემ, ჯეიკ პოლმა, თავის ერთ-ერთ მთავარ მტერთან, მაიკ პერისთან დაპირისპირება განაახლა.
ლოს-ანჯელესში გამართულ ნეტფლიქსის ისტორიულ შოუზე პოლი პრომოუტერის ამპლუაში იმყოფებოდა, თუმცა მას შემდეგ, რაც მაიკ პერიმ ნეიტ დიაზი სისხლიან ბრძოლაში დაამარცხა, ჯეიკი ოქტაგონზე მაინც შევიდა, რათა მეტოქის გამოწვევისთვის ეპასუხა.
ორი წლის წინ, როდესაც ისინი კრივის რინგზე შეხვდნენ, ჯეიკ პოლმა პერი ნოკაუტში მარტივად ჩააგდო. თუმცა, პერი დარწმუნებულია, რომ შერეულ ორთაბრძოლებში (MMA) მისი უპირატესობა და გამოცდილება ყველაფერს შეცვლის. მატჩის შემდეგ, პირდაპირ ოქტაგონზე, პერიმ პოლს სახეში ჩახედა და გამოიწვია.
არილ ჰელვანისთან პოსტ-მატჩის ინტერვიუში მაიკ პერიმ განაცხადა:
„ჯეიკი გიჟია, ფრენსის ნგანუს რომ იწვევს, მაგრამ მე მზად ვარ მასთან MMA-ის წესებით ვიჩხუბო.“
ამაზე ჯეიკ პოლმა მაშინვე მკაცრად უპასუხა:
„ამ ნაბი****ს MMA-შიც მივხედავ. მისი უ**ნალი კრივში უკვე ვცემე.“
პერი ამ პასუხით კმაყოფილი დარჩა და მიუგო:
„კარგი იყო, მაშინ მომიგე, მეგობარო, მაგრამ მე უფრო MMA-ის მებრძოლი ვარ. შენ ნახე, დღეს რა დარტყმებიც განვახორციელე, ეგ საშინელება შენც ძალიან არ მოგეწონებოდა.“
ბოლოს პოლმა დაძაბულობა მცირედით განმუხტა, თუმცა ჩხუბი მაინც დაადასტურა:
„მიყვარხარ მაიკ, შენ ნამდვილი მეომარი ხარ. ეს შენი საღამო და შენი მომენტია, მაგრამ ჩვენ ამ ბრძოლას აუცილებლად ჩავატარებთ.“
