საბა ფურცელაძე ეგვიპტის ქალაქ ჰურგადაში გამართული M15-ის კატეგორიის საჩოგბურთო ტურნირის ჩემპიონი გახდა.
პირველ ნომრად განთესილმა ქართველმა ჩოგბურთელმა ფინალურ შეხვედრაში ტურნირის მე-3 ნომერ იტალიელ ალექსანდრ ბინდას 6:4; 7:6 მოუგო.
აღსანიშნავია, რომ ფინალის მსგავსად, საბამ იქამდე გამართული 4-ვე თამაშიც სეტწაუგებლად დაასრულა.
24 წლის ფურცელაძემ პროფესიონალურ კარიერაში მე-11 ტიტული მოიგო, მათგან 6 - გასულ სეზონში.
