ქართული კლუბი მთავარ ევროპულ ტურნირში მონაწილეობს - როდისაა მატჩები?

სამოყვარული ლიგის გუნდებს შორის ევროპის ჩემპიონატი საქართველოში, კერძოდ რუსთავში ჩატარდება.

საქართველოს მოყვარულთა ლიგის კლუბი ბასა UEFA Regions Cup-ის 2026-27 წლების სეზონის გათამაშებაში ერთვება.

მაღალი რეიტინგის გამო, ქართული კლუბი ტურნირში პირდაპირ, საკვალიფიკაციო ეტაპის გარეშე, ერთვება და ჯგუფში მეტოქეებად ბულგარეთის, ჩეხეთისა და ყაზახეთის საუკეთესო გუნდები ჰყავს.

მატჩები რუსთავის აკადემიის სტადიონზე ჩატარდება: 14 ოქტომბერს ბულგარელებთან, 17-ში - ჩეხებთან, ხოლო 20-ში - ყაზახებთან.

აღნიშნული ჯგუფიდან შემდეგი ეტაპის საგზურს მიიღებს მხოლოდ პირველადგილოსანი, რომელიც მომავალ წელს გასამართ ფინალურ ეტაპზე, ევროპის 8 საუკეთესო გუნდს შორის, ითამაშებს.

ცნობისთვის, UEFA Regions Cup-ი ევროპის ჩემპიონატის ტოლფასი ტურნირია.