დინამო თბილისმა 29 წლის ფრანგი გარემარბის, მაქსიმ ტეიშეირას დამატების შესახებ გამოაცხადა.
"29 წლის ფეხბურთელთან ჩვენმა კლუბმა 2-წლიანი კონტრაქტი გააფორმა. ტეიშეირა ბოლოს კვიპროსულ კრასავას ღირსებას იცავდა.
მისი საფეხბურთო კარიერა საფრანგეთში დაიწყო, შემდეგ დონეცკის ოლიმპიკში გამოდიოდა. იცავდა ფრანგული სოშოსა და ამიენის ფერებს, ასევე უთამაშეია სერბულ ბელგრადში", - აღნიშნულია თბილისური გრანდის განცხადებაში.
ფრანგ ფეხბურთელს კვიპროსის ჩემპიონატის 2025-26 წლების სეზონში ჩატარებულ 31 მატჩში 4 გოლი ჰქონდა, 2024-25 წლების სეზონი კი სერბეთში გაატარა და 7 თამაშში 1 გოლი და 1 ასისტი ჩაიწერა აქტივში.
თემურ ქეცბაიას დანიშვნის შემდეგ, დინამო თბილისმა პირველი ტრანსფერი დახურა. როგორც თავად 58 წლის მწვრთნელმა დედაქალაქურ კლუბში პირველი პრესკონფერენციისას განაცხადა, ზაფხულში მნიშვნელოვანი გაძლიერებაა დაგეგმილი.
ეროვნული ლიგის 16 ტურში დინამოს 25 ქულა აქვს, მე-4 ადგილზეა და ლიდერ იბერია 1999-ს 5 ქულით ჩამორჩება. მომდევნო ტურში, 14 ივნისს, მე-9 ადგილოსან გაგრას ესტუმრებიან.
