როგორც იწერება, გიორგი ქოჩორაშვილმა გადაწყვეტილება მიიღო - ნახევარმცველს სპორტინგის გეგმებში ადგილი აღარ აქვს და მას ესპანურ ფეხბურთში დაბრუნება სურს.
პორტუგალიური გამოცემა A Bola-ს ინფორმაციით, გიორგი ქოჩორაშვილის მთავარი პრიორიტეტი ამ ეტაპზე ესპანეთში დაბრუნებაა, მაშინ როცა მისი შესაძლო წასვლის შესახებ სულ უფრო ხშირად იწერება.
როგორც გამოცემა აღნიშნავს, 26 წლის ნახევარმცველი იმ ფეხბურთელებს შორისაა, რომელთა გაშვებასაც სპორტინგი მიმდინარე ზაფხულში გეგმავს.
შეგახსენებთ, რომ 1 წლის წინ ქოჩორაშვილი ლევანტედან სპორტინგში 5 მილიონი ევროს სანაცვლოდ გადავიდა. სადებიუტო სეზონში მან პორტუგალიური კლუბის მაისურით 26 მატჩი ჩაატარა და 2 საგოლე გადაცემა მიითვალა.
როგორც ჟურნალისტი დიეგო ოტერო იუწყება, ვიგოს სელტა, რომელსაც ქართველ ნახევარმცველს წინა სატრანსფერო ფანჯარებზეც უკავშირებდნენ, მოთამაშით კვლავ ინტერესდება.
ქართველს ესპანურ ფეხბურთში თამაშის დიდი გამოცდილება აქვს. ჟირონას აკადემიაში გადასვლის შემდეგ მან პერალადას, ატლეტიკო ლევანტეს, კასტელიონისა და ლევანტეს რიგებში ითამაშა, სადაც განსაკუთრებით მეორე დივიზიონში გამოიჩინა თავი.
ბოლო დღეებში მისი სახელი ლევანტესაც დაუკავშირდა, თუმცა ეს ერთადერთი ესპანური კლუბი არ არის, რომელიც მისი დამატებით შეიძლება დაინტერესებული იყოს. ჭორების თანახმად, ქართველ ფეხბურთელს ასევე აკვირდებიან რაიო ვალეკანო, ხეტაფე და ჟირონა.
ქოჩორაშვილს სპორტინგთან კონტრაქტი 2030 წლამდე აკავშირებს, ხოლო მისი სავარაუდო საბაზრო ღირებულება 4 მილიონ ევროდ ფასდება.
