რეალის მთავარმა მწვრთნელმა ჩაბი ალონსომ ვინისიუს ჯუნიორსა და დიეგო სიმეონეს შორის მომხდარ ინციდენტზე კომენტარი გააკეთა.
შეკამათება მოედანზე - რა უთხრა სიმეონემ ვინისიუსს?
რეალმა ესპანეთის სუპერთასის ნახევარფინალში ატლეტიკო 2:1 დაამარცხა. მატჩის 81-ე წუთზე, როდესაც ვინისიუს ჯუნიორი მოედანს ტოვებდა, ატლეტიკოს მთავარმა მწვრთნელმა ტრიბუნებზე ანიშნა, შემდეგ კი ყურზე მიითითა და რაღაცას ამბობდა.
მოედნის დატოვების შემდეგ ვინისიუსმა სიმეონეს ქმედებებით უკმაყოფილება გამოხატა. რეალის მწვრთნელებსა და სათადარიგო მოთამაშეებს 25 წლის ფეხბურთელის გვერდზე გაყვანა მოუწიათ.
„ვცდილობ მოწინააღმდეგე გუნდის ფეხბურთელებს პატივისცემით მოვეპყრო და როგორც წესი, მათთან არ ვსაუბრობ. როცა გავიგე, რა თქვა სიმეონემ, ძალიან არ მომეწონა. ეს სპორტული ქცევის საუკეთესო მაგალითი არ არის.
ყველაფერი მისაღები არ არის — საჭიროა მოწინააღმდეგის პატივისცემა. იმას, რაც მოედანზე ხდება, თავისი ზღვარი აქვს“, — თქვა ალონსომ.
