"ყველაზე მნიშვნელოვანი და ტკბილი ეს ჩემპიონობაა" - თუშიშვილი ოქროს მოგების შემდეგ

თბილისში გამართულ ძიუდოს ევროპის ჩემპიონატზე, ოქროს მედლის მოგების შემდეგ, გურამ თუშიშვილმა ემოციები მედიას გაუზიარა.

"გახარებული ვარ. ევროპის ჩემპიონი მესამედ გავხდი და ყველაზე მნიშვნელოვანი და ტკბილი სწორედ ეს გამარჯვება იყო. 

კრპალეკი რთული მოწინააღმდეგეა და ვიცოდი, რომ რთული შეხვედრა იქნებოდა, თუმცა გარდატეხის საჩემოდ შეტანა შევძელი, რაშიც გულშემატკივარს დიდი როლი ჰქონდა და ამისთვის მადლიერი ვარ.

რაც შეეხება საერთო შედეგს, 7 მედალი მოვიპოვეთ და ძალიან კარგი შედეგია, თუმცა მაინც არის წონები, რომლებზეც გული გვწყდება და მეტის მიღწევა შეგვეძლო - შეიძლებოდა, ქართული ფინალიც ყოფილიყო, 81 კილოგრამში ოქროც შეიძლებოდა, მაგრამ ეს ძიუდოა და გარანტირებული არასდროს არაფერია", - თქვა თუშიშვილმა რეპორტიორებთან.

გურამ თუშიშვილი ევროპის 3-გზის ჩემპიონია (2017; 2019; 2026), ასევე მსოფლიო ჩემპიონატი აქვს მოგებული (2018), ხოლო ოლიმპიურ თამაშებზე ვერცხლის მედლის მფლობელი გახლავთ (2020).

არის მე-4 ოქრო! - გურამ თუშიშვილი ევროპის ჩემპიონია