ევროპულ საკლუბო ჩემპიონატებში ქართველი ფეხბურთელების მორიგი მატჩები გაიმართა, რომელთაგან რამდენიმე განსაკუთრებით შედეგიანი და გამორჩეული აღმოჩნდა.
გერმანიის მეორე ბუნდესლიგაში ჰოლშტაინ კილმა საკუთარ კედლებში დრეზდენი 3:0 დაამარცხა.
აღსანიშნავია, რომ გერმანულ კლუბში სადებიუტო გოლი მიითვალა გიორგი ქვილითაიამ. ქართველმა ფორვარდმა ანგარიში მე-9 წუთზე გახსნა, ხოლო მოედანი 57-ე წუთზე დატოვა.
იტალიის სერია ა-ს მე-8 ტურში გიორგი კვერნაძის ფროზინონემ ბერგამოში ატალანტასთან უხვგოლიანი და სანახაობრივი ფრე, 4:4 ითამაშა.
ქართველი თავდამსხმელი ძირითად შემადგენლობაში იყო და აქტიურად იასპარეზა, სანამ მწვრთნელი 65-ე წუთზე არ შეცვლიდა.
ესპანეთის ლა ლიგაში ითამაშა საბა საზონოვის ხეტაფემ, რომელიც ბილბაოს ესტუმრა და 0:4 დამარცხდა. საქართველოს ნაკრების მცველი მოედანზე მეორე ტაიმის დასაწყისიდან, 46-ე წუთიდან გამოჩნდა.
