UFC Freedom 250-ის მონაწილე, ქვემსუბუქი წონის ვარსკვლავი დიეგო ლოპესი მიიჩნევს, რომ ჯასტინ გეიჯის საქმეში უდიდესი სენსაციის მოხდენა შეუძლია.
კვირას, თეთრი სახლის სამხრეთ გაზონზე გასამართ მთავარ ბრძოლაში 37 წლის გეიჯი კარიერაში ყველაზე დიდ აუტსაიდერად ითვლება.
მიუხედავად იმისა, რომ MMA სამყაროს უმრავლესობა უპირატესობას ილია თოფურიას ანიჭებს, ლოპესმა The Ariel Helwani Show-ში სტუმრობისას გეიჯის მხარე დაიჭირა და თავისი არჩევანი ტაქტიკურად ახსნა:
ვოლკანოვსკი ჭკვიანია, მაგრამ ნოკაუტის ძალა არ აქვს. ჩარლზ ოლივეირას აქვს ძალა, მაგრამ თოფურიასავით ზუსტად ვერ აკავშირებს დარტყმებს. მაქს ჰოლოუეიც არ არის ისეთი მებრძოლი, ვინც ერთი დარტყმით თიშავს ხალხს. ჯასტინ გეიჯი კი სულ სხვაა - მას შეუძლია ერთი ძლიერი დარტყმით ნებისმიერი გათიშოს. ამიტომ, მე გეიჯის მხარეს ვბარგდები.
თავად ბრაზილიელი დიეგო ლოპესი ამავე ტურნირს სტივ გარსიასთან ბრძოლით გახსნის. მან იქვე დასძინა, რომ ამ მატჩის შემდეგ შესაძლოა 155 ფუნტში (მსუბუქ წონაში) ავიდეს, რადგან ქვემსუბუქი წონის ქამარზე ბრძოლის შანსს ვეღარ ხედავს.
ნაკლებად სავარაუდოა, რომ იგი ოდესმე თოფურიას ან გეიჯის დაუპირისპირდეს - გამარჯვების შემთხვევაში მატადორი ან არმან ცარუკიანს შეხვდება, ან ისლამ მახაჩევთან ჩხუბისთვის ქვესაშუალო წონაში ავა, ხოლო გეიჯი, მარცხის შემთხვევაში, კარიერის დასრულებასთან ძალიან ახლოს იქნება.
