ლარნესთან ორმატჩიან დუელში გამარჯვებით, იბერია 1999-მა კონფერენს ლიგის ლიგის ფაზაში თამაში გაინაღდა, ხოლო თუ შემდეგ რაუნდშიც გაიმარჯვებს, საერთოდ ევროპა ლიგის ლიგის ფაზაში ითამაშებს.
როგორც La Gazzetta Georgia თამაშამდე წერდა, ლარნეს ბარიერის დაძლევის შემთხვევაში, იბერიას ხელმძღვანელობა ფეხბურთელებსა და მთლიან სტაფს 1 მლნ ლარის ბონუსს გადასცემდა, რასაც სპონსორებისგან კიდევ 500 000 ლარის პრემია დაემატებოდა.
შესაბამისად, ისტორიული წარმატების დასაფასებლად, იბერიას ყველა წარმომადგენელს ჯამურად 1.5 მლნ ლარის პრემია აქვს მისაღები.
მეორე მხრივ, უეფა-ს ოფიციალური წესდების მიხედვით, ყველა გუნდი, რომელიც კონფერენს ლიგის ლიგის ფაზაში თამაშის უფლებას მოიპოვებს, ავტომატურად 3.17 მლნ ევროს იღებს, რაც კონკრეტულად კვალიფიცირების ბონუსია - უფრო დეტალურად აქაა.
ევროპა ლიგის საკვალიფიკაციო ეტაპის პლეი-ოფში ანდრი დემჩენკოს გუნდი შოტლანდიურ რეინჯერსსა და პოლონურ იაგელონიას წყვილში გამარჯვებულს შეხვდება. პირველი თამაში სტუმრად 20 აგვისტოსაა, მეორე - 27 აგვისტოს შინ.
შედარება ისტორიულ ბრძოლასთან - რა თქვა იბერიას პრეზიდენტმა მატჩის შემდეგ?
