დეკლან რაისმა აღნიშნა, რომ არსენალი მზად არის პრემიერ ლიგის ლიდერობა სეზონის ბოლომდე შეინარჩუნოს. ნიუკასლთან 1:0 გამარჯვების შემდეგ, მეთოფეებმა მანჩესტერ სიტის გადაასწრეს და ცხრილის სათავეში დაბრუნდნენ.
ამჟამად არსენალი კონკურენტს სამი ქულით უსწრებს (ერთით მეტი მატჩით) და უპირატესობის გაზრდას მომავალ უქმეებზე, ფულჰემთან შეხვედრაში შეეცდება. ტიტულის მოსაპოვებლად, რომელსაც გუნდი 22 წელია ელოდება, წინ მატჩები ვესტ ჰემთან, ბარნლისა და კრისტალ პალასთან ელის.
დეკლანმა განაცხადა:
მთელი სეზონი ასე იყო და გვსურს, ბოლოსაც პირველ ადგილზე დავრჩეთ. ნიუკასლთან მოპოვებული სამი ქულა უმნიშვნელოვანესი იყო. ვიცით, რომ დარჩენილი მატჩები უნდა მოვიგოთ და ამისთვის მზად ვართ.
ფულჰემთან შეხვედრამდე, ოთხშაბათს არსენალი ჩემპიონთა ლიგის ნახევარფინალის პირველ მატჩს მადრიდის ატლეტიკოს წინააღმდეგ გამართავს. რაისის თქმით, გუნდი ამ გამოწვევას პოზიტიურად უყურებს:
ჩვენ ნახევარფინალისტები ვართ, მოდით ვისიამოვნოთ ამით. ახლა მთელი ყურადღება ატლეტიკოზეა გადატანილი.
