რამდენს გამოიმუშავებენ ბარსელონა და რეალი ლა ლიგაში

ესპანეთის ლა ლიგის ბოლო ტური არა მხოლოდ ევროთასების საგზურებსა და გავარდნილ გუნდებს გამოავლენს, არამედ კლუბების საბანკო ანგარიშებზეც დიდ გავლენას მოახდენს.

ტელეუფლებებიდან მიღებული მთლიანი თანხის ზუსტად 25% გუნდებზე სწორედ სატურნირო ცხრილში დაკავებული საბოლოო პოზიციის მიხედვით ნაწილდება.

ოფიციალური კანონმდებლობის მიხედვით, ტელეუფლებების თანხის 50% ყველა კლუბზე თანაბრად იყოფა. დარჩენილი 50%-დან ნახევარი გუნდების სოციალურ აქტივობაზე (ბილეთების გაყიდვები, რეიტინგები) მიდის, ხოლო მეორე ნახევარი (ანუ მთლიანი ბიუჯეტის 25%) - სპორტულ შედეგებზე.

გასული სეზონის 1.292 მილიარდიანი ბიუჯეტის მაგალითზე, სატურნირო ადგილებისთვის სულ 323 მილიონი ევროა გამოყოფილი, რომელიც ასე ნაწილდება:

1. ბარსელონა (ჩემპიონი): 17% - 54.91 მილიონი €

2. მადრიდის რეალი: 15% - 48.45 მილიონი €

3. ატლეტიკო ან ვილიარეალი: 13% - 41.99 მილიონი €

4. ატლეტიკო ან ვილიარეალი: 11% - 35.53 მილიონი €

5. ბეტისი: 9% - 29.07 მილიონი €

6. სელტა ან ხეტაფე: 7% - 22.61 მილიონი €

...

20. ოვიედო (ბოლო ადგილი): 0.25% - 0.80 მილიონი €

ეს ნიშნავს, რომ მაგალითად მესამე ადგილისთვის ბრძოლაში მადრიდის ატლეტიკო და ვილიარეალი პირდაპირ მატჩში სასწორზე 6.5 მილიონ ევროს დებენ.

თანხის მიღების უცნაური წესი

კლუბები ამ გამომუშავებულ მილიონებს ერთიანად ვერ იღებენ. ლა ლიგის წესით, დაკავებული ადგილისთვის განკუთვნილი თანხა გუნდებს 5 სეზონზე უნაწილდებათ შემდეგი პროპორციით: 35%, 20%, 15%, 15% და 15%. ანუ, ბარსელონა მომავალ სეზონში მიმდინარე ჩემპიონობისთვის კუთვნილი 55 მილიონის მხოლოდ 35%-ს მიიღებს, დანარჩენ ბიუჯეტს კი წინა 4 სეზონის მიღწევების პროცენტები შეავსებს.