სერხიო რამოსმა მშობლიური კლუბის, სევილიას შესყიდვაზე შეთანხმებას მიაღწია.
მიმდინარე სეზონი სევილიასთან სპორტული თვალსაზრისით საკმაოდ რთული აღმოჩნდა - გუნდი ლა ლიგაში მე-13 ადგილს იკავებს.
ამ ფონზე, მენეჯმენტის ცვლილებაზე საუბარი რამდენიმე თვეა მიმდინარეობდა. სამშაბათს დილით გამართული შეხვედრის შემდეგ კი მხარეებმა საბოლოო შეთანხმებას მიაღწიეს.
ჯერჯერობით უცნობია, რა როლს მოირგებს ლეგენდარული მცველი. ის შესაძლოა კლუბის მმართველი ან პირდაპირ პრეზიდენტი გახდეს. ამ ეტაპზე გასასწორებელია მხოლოდ ადმინისტრაციული დეტალები, რის შემდეგაც კლუბის გაყიდვის შესახებ ოფიციალურად გამოცხადდება.
