რაშფორდით ევროპის გრანდი ინტერესდება

მიუნხენის ბაიერნისთვის ნიუკასლ იუნაიტედის შემტევის, ენტონი გორდონის ერთ-ერთ ალტერნატივად მარკუს რაშფორდი სახელდება.

28 წლის ფეხბურთელი, რომელიც ამჟამად იჯარით ბარსელონაში თამაშობს, კვლავ მანჩესტერ იუნაიტედის საკუთრებაა, თუმცა მას პრემიერ ლიგის კლუბში მომავალი არ აქვს.

კატალონიურ გრანდში გადასვლამ ვინგერს ახალი სუნთქვა გაუხსნა. მიმდინარე სეზონში ჩატარებულ 43 მატჩში მის ანგარიშზე 25 გოლია. აღსანიშნავია, რომ ბარსელონას მისი გამოსყიდვის 30-მილიონიანი უფლება აქვს, თუმცა გამოიყენებს თუ არა კლუბი ამ შანსს, ჯერჯერობით უცნობია.

რაშფორდის მრავალმხრივობა ბაიერნისთვის დიდი უპირატესობაა. გორდონის მსგავსად, მას შეუძლია როგორც ფლანგზე, ისე ცენტრალურ თავდამსხმელად თამაში. გარდა ამისა, რაშფორდს წარსულშიც არაერთხელ უკავშირებდნენ მიუნხენურ კლუბს.

მიუხედავად ამისა, გორდონი კვლავ მათ პრიორიტეტულ სამიზნედ რჩება, რეშფორდი კი უფრო გეგმა B-დ განიხილება. ბავარიელები მოვლენების განვითარების რამდენიმე სცენარისთვის არიან მზად.