სანჩოს პასუხი დორტმუნდში გადასვლაზე

Sky Germany-ის წყაროებზე დაყრდნობით, ჯეიდონ სანჩომ თანხმობა განაცხადა ზაფხულში ბორუსია დორტმუნდში დაბრუნებაზე.

სანჩოს მანჩესტერული ოცნება სრულდება - დორტმუნდი დაინტერესებულია

მხარეებს შორის რამდენიმე შეხვედრა უკვე გაიმართა და დორტმუნდს ყველა საჭირო ციფრი თუ ინფორმაცია უკვე მაგიდაზე უდევს. სანჩო მზადაა ვესტფალიურ კლუბში კიდევ ერთხელ გადასასვლელად, თუმცა მას სხვა შემოთავაზებებიც აქვს ევროპის სხვადასხვა წერტილიდან, რომლებიც ასევე განსახილველია.

ახლა უკვე ბორუსია დორტმუნდზეა დამოკიდებული, გადადგამენ თუ არა შემდეგ ნაბიჯს და წარადგენენ თუ არა ოფიციალურ წინადადებას 26 წლის ფეხბურთელის დასაბრუნებლად. მთავარმა მწვრთნელმა, ნიკო კოვაჩმა უკვე მისცა მწვანე შუქი ამ ტრანსფერს იმ შემთხვევისთვის, თუ ნილს-ოლე ბუკი და ლარს რიკენი ვინგერის დამატებაზე ფოკუსირებას გადაწყვეტენ.

მიმდინარე სეზონში სანჩომ იჯარით ასტონ ვილაში ჯამში 31 მატჩი ჩაატარა, სადაც მხოლოდ 1 გოლი და 3 საგოლე გადაცემა მიითვალა.