ზურიკო დავითაშვილის ტრანსფერი, რომელზეც ზაფხულში აქტიურად მიმდინარეობდა საუბარი, ფრანგული სენტ-ეტიენის პოზიციის გამო არ შედგა.
ფრანგული გამოცემა Topmercato-ს ცნობით, მიუხედავად იმისა, რომ ქართველი ფეხბურთელის შეძენით ევროპის რამდენიმე წამყვანი კლუბი ინტერესდებოდა და მის სანაცვლოდ 10-დან 15 მილიონ ევრომდე გადახდას გეგმავდა, ფრანგულმა მხარემ ფასის დაკლება და კომპრომისზე წასვლა არ ისურვა.
სენტ-ეტიენმა დავითაშვილის ტრანსფერზე მკაცრი პოზიცია დაიჭირა და 20 მილიონი მოითხოვა, რადგან ფეხბურთელმა ძალიან წარმატებული 2025-26 წლების სეზონი ჩაატარა და ლიგა 2-ის წლის საუკეთესო მოთამაშემაც კი გახდა.
შეგახსენებთ, რომ ფრანგულმა კლუბმა ის 2024 წლის ზაფხულში 6 მილიონ ევროდ შეიძინა, ამჯერად კი მსურველთა შორის იტალიური ატალანტა, ესპანეთის სევილია, თურქეთის ბეშიქთაში და საბერძნეთის ოლიმპიაკოსი ფიგურირებდნენ, თუმცა სასურველი ფინანსური პირობების არარსებობის გამო გუნდმა ქართველი ვინგერის შენარჩუნება გადაწყვიტა.
