რაულ თუთარაული Brave-ის მსუბუქი წონის დროებითი ქამრის მფლობელია.
ქართველი მებრძოლი ნიდერლანდელ პიტერ ბუისტს დაუპირისპირდა და დაძაბული ხუთი რაუნდის შემდეგ, მსაჯთა ერთსულოვანი გადაწყვეტილებით გაიმარჯვა.
თუთარაულმა გამარჯვების შემდეგ მსუბუქი წონის ჩემპიონი აბდისალამ კუბანიჩბეკი გამოიწვია.
GFC-ისა და Brave CF-ის ერთობლივი ღონისძიების მეინ ქარდზე თავისი ბრძოლები მოიგეს ლაშა აბრამიშვილმა, მუხრან ნარსავიძემ და ლუკა გორგაძემაც.
აბრამიშვილმა მეტოქე ტექნიკური ნოკაუტით დაამარცხა, ნარსავიძემ - მახრჩობელა ილეთით, გორგაძემ კი გადაწყვეტილებით მოიგო.
