რეალიდან რეალამდე — ნოიერმა ბერნაბეუზე საუკეთესო წლები გაიხსენა

მიუნხენის ბაიერნის მეკარემ, მანუელ ნოიერმა, ჩემპიონთა ლიგის მეოთხედფინალის პირველ მატჩში რეალთან (2:1) ფენომენალური შეხვედრა ჩაატარა.

40 წლის გერმანელმა გოლკიპერმა საკუთარი გუნდი 9-ჯერ გადაარჩინა, რაც მატჩის მოგებაში გადამწყვეტი ფაქტორი აღმოჩნდა.

ეს არის ნოიერის საუკეთესო შედეგი მიუნხენური კლუბის შემადგენლობაში 2020 წლის ნოემბრის შემდეგ.

ჩემპიონთა ლიგის პლეი-ოფის სტადიაზე გერმანელ მეკარეს ასეთი მაღალი მაჩვენებელი ბოლო 9 წლის განმავლობაში არ ჰქონია.

საინტერესოა, რომ ნოიერის პირადი რეკორდი ჩემპიონთა ლიგის პლეი-ოფში კვლავ რეალს უკავშირდება — 2017 წლის აპრილში, მეოთხედფინალურ მატჩში, მან მადრიდელების წინააღმდეგ 10 სეივი შეასრულა.