რეალში ტრანსფერების წინ ახალმა პრობლემამ იჩინა თავი

რეალს შემადგენლობაში ადგილის გამოთავისუფლება სჭირდება, რათა როდრიმ და იან დიომანდემ გუნდში გადმოსვლა შეძლონ.

COPE-ს ცნობით, მადრიდელებს სულ მცირე ორ ფეხბურთელთან განშორება მოუწევთ. მთავარი პრობლემა იმაში მდგომარეობს, რომ ამ ეტაპზე წასვლა არავის სურს, განაცხადში კი 25-ივე პოზიცია შევსებულია.

წასვლის ყველაზე სავარაუდო კანდიდატებად რაულ ასენსიო და გონსალო გარსია სახელდებიან, ასევე ფრანკო მასტანტუონო (თუმცა ის სარეზერვო გუნდშია რეგისტრირებული).

მცველს არანაირი შეთავაზება არ აინტერესებს და კონცენტრირებულია იმაზე, რომ ახალი საწვრთნელი შტაბი თავის საჭიროებაში დაარწმუნოს.

ესპანელი ფორვარდი მზადაა ფულემში გადასვლის ვარიანტი განიხილოს, თუმცა ჯერ სურს დაელოდოს, როგორ წარიმართება მოლაპარაკებები კლუბებს შორის.