როდრიგო გოესმა მადრიდის რეალში არასახარბიელო და ისტორიული ანტირეკორდი დაამყარა.
ბრაზილიელს კლუბის მაისურით ბოლო 30 მატჩში გოლი არ აქვს გატანილი, რაც რეალის ისტორიაში ყველაზე ცუდი შედეგია.
ბოლო 30 მატჩში როდრიგომ მოედანზე 1.338 წუთი გაატარა, თუმცა თავის გამოჩენა ვერცერთხელ ვერ შეძლო.
აქამდე კლუბის ისტორიული ანტირეკორდის მფლობელი მარიანო დიასი იყო, რომელსაც ამდენივე (30) უგოლო მატჩი ჰქონდა, თუმცა ბევრად ნაკლებ (986) ნათამაშებ წუთში.
მესამე ყველაზე ცუდი შედეგი კი რაფა მარანიონს ეკუთვნის - რეალის 70-იანი წლების ფეხბურთელს, რომელმაც 1416 ნათამაშებ წუთში და 29 ოფიციალურ მატჩში ვერ შეძლო გოლის გატანა.
უკანასკნელი გოლი რეალის მაისურით როდრიგომ 2025 წლის 4 მარტს, ატლეტიკოს კარში გაიტანა ჩემპიონთა ლიგაზე, ლა ლიგაში კი მისი გოლი საერთოდაც 19 იანვრით არის დათარიღებული, როცა მან ლას პალმასის კარი აიღო.
