მიუნხენის ბაიერნი სამ ფეხბურთელს, ჟოაო პალინიას, საშა ბოისა და ბრაიან სარაგოსას ემშვიდობება.
მოთამაშეები ძირითადი გუნდის ოფიციალური განაცხადიდან უკვე ამოიღეს.
სპორტულმა დირექტორმა, მაქს ებერლმა კლუბის პოზიცია დაადასტურა:
საშასთან, ბრაიანთან და ჟოაოსთან მიმართებით, გვყავს სამი მოთამაშე, რომელთა გაშვებაზეც ძალიან ღიად ვსაუბრობთ... ამ სამეულის მომავალი ბაიერნში არ არის
მთავარი მწვრთნელი, ვენსან კომპანი ხელმძღვანელობის გადაწყვეტილებას იზიარებს და პირდაპირ კომუნიკაციას მიესალმება:
ვფიქრობ, პოზიტიურია, რომ კლუბი ფეხბურთელებთან მკაფიოდ საუბრობს. როგორც ყოფილი მოთამაშე, ამას მეც ვისურვებდი. კლუბმა მკაფიო განცხადება გააკეთა, ასე რომ, ყველანი ერთ აზრზე ვართ
გასულ სეზონში სამივე მათგანი იჯარით ასპარეზობდა, პალინია ტოტენჰემში, სარაგოსა რომაში, ხოლო ბოი გალათასარაიში. ებერლის ცნობით, ფეხბურთელების ტრანსფერებზე მოლაპარაკებები უკვე დაწყებულია.
