რონალდუმ პორტუგალიელ თანაგუნდელებზე თავდასხმა მოიწონა - ფელიპე მელოს სკანდალური განცხადება

კრიშტიანუ რონალდუმ მოიწონა ვიდეო, სადაც ბრაზილიის ნაკრების ყოფილი ფეხბურთელი ფელიპე მელო პორტუგალიის ეროვნული გუნდის მოთამაშეებს მკაცრად აკრიტიკებს.

Sportv-ის ეთერში მელომ განაცხადა, რომ პორტუგალიელი ფეხბურთელების დამოკიდებულება რონალდუსადმი რადიკალურად განსხვავდება იმისგან, თუ როგორ ეპყრობიან არგენტინელები ლიონელ მესის.

„უდიდესი განსხვავებაა იმაში, თუ როგორ ეპყრობიან პორტუგალიელი თანაგუნდელები რონალდუს და როგორ ეპყრობიან არგენტინელი მოთამაშეები ლიონელ მესის.

მეტ პატივისცემას ვხედავ მეტოქეების მხრიდან, როდესაც ისინი კრიშტიანუს წინააღმდეგ თამაშობენ. ჰოილუნდიც კი ძალიან გაბრაზდა ჟორჟე ჟეზუშზე, რადგან რონალდუ მისი კერპია. კრიშტიანუს მიმართ მეტოქეების მხრიდან მეტი პატივისცემაა, ვიდრე თავად პორტუგალიის ნაკრების მხრიდან.

ეს არასწორია, რადგან იქ რონალდუს დონემდე ვერავინ აღწევს. არ შეიძლება მისი ასე გაშვება, თითქოს არაფერი მომხდარა, - განაცხადა მელომ.

Sportv-იმ მელოს გამოსვლის ვიდეო Instagram-ზე გამოაქვეყნა. კრიშტიანუ რონალდუმ აღნიშნული პოსტი მოიწონა.