ჟურნალისტი: „რონალდუს ჰყავდა ორი მეტოქე, რომელსაც ვერაფერი მოუხერხა"

ესპანელმა რადიო და ტელეწამყვანმა მანუელ ბარტოლომე კარენიო მოლინამ კრიშტიანუ რონალდუს ირგვლივ განვითარებულ მოვლენებზე ისაუბრა.

დანიასთან ერთა ლიგის მატჩის წინ (4:2), რონალდუმ მთავარ მწვრთნელ ჟორჟე ჟეზუშთან კონფლიქტის გამო პორტუგალიის ნაკრების ბანაკი დატოვა. გავრცელებული ცნობებით, კრიშტიანუმ ეროვნულ გუნდში კარიერა დაასრულა.

„დღეს პორტუგალია კრიშტიანუ რონალდუს გარეშე თამაშობს. რამხელა სპორტსმენია! რამხელა ფეხბურთელი! რამდენი ხანი გაივლის სანამ მისი დონის მოთამაშეს ვნახავთ, რომელსაც ამდენი წლის განმავლობაში ყველაფრის მოგება შეუძლია?

მის ანგარიშზე ხუთი ოქროს ბურთი, რამდენიმე ოქროს ბუცი და ლიგის საუკეთესო ბომბარდირის ჯილდოა. ეროვნულ ნაკრებთან ერთად მან ევროპის ჩემპიონატი მოიგო, ხოლო საკლუბო ფეხბურთში ყველაფერს მიაღწია, განსაკუთრებით მადრიდის რეალში.

თუმცა იყო მხოლოდ ორი მეტოქე, რომელთან გამკლავებაც მან ვერ შეძლო: ლეო მესი, რომელსაც მსოფლიო ფეხბურთის ტახტს ედავებოდა - მან ვერ შეძლო მისი დამარცხება, თუმცა რამდენიმე წელი ეჭიდებოდა - და იყო კიდევ ერთი, რომელიც მან ვერასდროს დაამარცხა.

ნუ, იქ სხვა არავინ ყოფილა, ეს იყო მისი საკუთარი ეგო. მასთან მან აშკარად წააგო, - განაცხადა კარენიომ.