უეინ რუნიმ არსენალის ევერტონთან გამარჯვების შემდეგ, დეკლან რაისის თამაშზე ისაუბრა.
„უნდა ვთქვა, რომ დეკლან რაისი წარმოუდგენელია, მისი ყურება ნამდვილი სიამოვნება იყო. ის აშკარად საუკეთესო ფეხბურთელი იყო მოედანზე.
ჩემთვის, ის ინგლისის ნაკრების მომავალი კაპიტანია. ის არის ის ფეხბურთელი, რომელიც, ალბათ, ჰარი კეინის კარიერის დასრულებას ელოდება, რათა მისი ადგილი დაიკავოს.
ის ყველგან იყო მოედანზე. მისი გადაწყვეტილებების მიღება, როდის გააკეთოს პასი, სად გააკეთოს, რომელი ფეხით, პასის სიზუსტე და დეტალები, მისი ყურება ნამდვილი სიამოვნება იყო. ის უბრალოდ საოცარი იყო.
ის შლიდა მცველებს, იღებდა ბურთს ცენტრალური მცველებისგან, მოქმედებდა როგორც მესამე მცველი და შემდეგ მომენტში უკვე საჯარიმოში იყო და გოლის გატანას ცდილობდა. ზოგჯერ ის, რასაც აკეთებს, ცოტათი დაუფასებლად რჩება.
ჩემთვის ის არის სწორი ადამიანი, რომელმაც კეინი უნდა ჩაანაცვლოს, მისი ჟინის, ხასიათისა და ლიდერული თვისებების გამო. ყველას უყვარს ის, ვინც იცნობს და ვინც მასთნ ახლოსაა. ინგლისისთვის ის შეუცვლელია.“ - განაცხადა რუნიმ.
