ეროვნული ლიგის ლიდერმა, რუსთავმა 23-ე ტურის მატჩი წყალტუბოში, სამგურალთან ჩაატარა და ფრედ 1:1 ითამაშა.
რუსთაველები 68-ე წუთზე ვაჟა ფაცაციამ დააწინაურა, თუმცა იმერლებმა 82-ე წუთზე, ნიკო ცეცხლაძის გოლით გაათანაბრეს და მნიშვნელოვანი ქულა მოიპოვეს.
გია ცეცაძის ლიდერმა გუნდმა, 3-მატჩიანი მოგებათა სერიის შემდეგ, ქულები დაკარგა და ახლა პოტენციური ლიდერი უკვე იბერია 1999-ია. ოღონდ, იბერიელებს 3 თამაშით ნაკლები აქვთ და პირველ ადგილზე გადასასვლელად სამივე უნდა მოიგონ.
ქვემო ქართლელებს მომდევნო ტურში, 4 სექტემბერს, ურთიერთშეხვედრა აქვთ დინამო ბათუმთან, რომელმაც მეორე ადგილზე აინაცვლა და მათ 5 ქულით ჩამორჩება.
რაც შეეხება სამგურალს, მის აქტივში 32 ქულაა, მე-5 ადგილზეა და საუკეთესო სამეულს ამ მომენტში 2 ქულითაა დაშორებული. 5 სექტემბერს სტუმრად იბერია 1999-ს შეხვდებიან.
