ევრობასკეტის მე-3 ტურში საქართველოს ნაკრები საბერძნეთს დაუპირისპირდა.
ბერძნებმა შეხვედრაში მარტივი გამარჯვება მოიპოვეს და საბოლოოდ 41-ქულიანი სხვაობით, 53-94 მოიგეს.
მატჩში ყველაზე მეტი ქულა იანის ანტეტოკუნმპომ მიითვალა - 27 ქულა, 8 მოხსნა, 4 შედეგიანი გადაცემა. გამორჩეულები იყვნენ კონსტანტინოს მიტოგლუ (17 ქულა) და ტაილერ დორსიც (14 ქულა).
ქართველებიდან კი 10 ქულაზე მეტი სამმა მოთამაშემ ჩააგდო. სანდრო მამუკელაშვილის ანგარიშზე 14 ქულა იყო, დუდა სანაძემ და გიორგი შერმადინმა კი 11-11 ქულა მიითვალეს.
ბერძნებმა 3 მატჩიდან სამივე მოიგეს და C ჯგუფს სათავეში დამაჯერებლად უდგანან, საქართველოს კი 1 მოგება და 2 წაგება აქვს.
ჯიკიჩის გუნდი 2 სექტემბერს კვიპროსს დაუპირისპირდება, საბერძნეთი კი იმავე დღეს ბოსნია და ჰერცეგოვინას შეხვდება.
