თბილისის ოლიმპიურ სასახლეში მიმდინარე MMA-ის მსოფლიო ჩემპიონატზე, 79.4 კგ. წონით კატეგორიაში, მარიამ თოფურიამ ფინალის საგზური მოიპოვა.
ქართველმა მებრძოლმა ბულგარელ სილვია სპასოვას უმარტივესად, 22 წამში, საბმიშენით მოუგო და ოქროს მედლისთვის იჩხუბებს.
შეგახსენებთ, თოფურია პირდაპირ 1/2 ფინალში იყო დაშვებული და ფინალში გასვლისთვის 1 ბრძოლის მოგება დასჭირდა.
28 წლის მარიამ თოფურია მსოფლიო ჩემპიონობისთვის მასზე 6 წლით უმცროს ინგლისელ ალანა პრიჩარდთან იჩხუბებს - 1/2 ფინალში ყაზახი დიანა ახმეტოვა ტექნიკური ნოკაუტით დაამარცხა.
