სადებიუტო სასტარტო ჩემპიონთა ლიგაზე - ზარიამ ოლიმპიაკოსთან ითამაშა

გიორგი ზარიამ, ჩემპიონთა ლიგის მთავარი ეტაპის ეგიდით, ძირითადი შემადგენლობიდან სადებიუტო მატჩი ჩაატარა. მისმა კაირათმა შინ ბერძნულ ოლიმპიაკოსთან 0:1 წააგო.

ქართელი ნახევარმცველი მოედანზე პირველ ტაიმში იყო, შესვენებისას კი შეცვალეს. ბურთს 23-ჯერ შეეხო, 14-დან 11 პასი ზუსტად შეასრულა, 5-დან 3 ორთაბრძოლა მოიგო, ჩაწოდების 3 მცდელობიდან კი ზუსტი არც ერთი ჰქონია.

28 წლის ზარიამ ჩემპიონთა ლიგის 6-დან 5 შეხვედრაში მიიღო მონაწილეობა და 1 საგოლე გადაცემა აქვს აქტივში - კოპენჰაგენთან, როცა მისმა გუნდმა 0:3-დან 2:3 წააგო.

ყაზახეთის მოქმედმა ჩემპიონმა 6 ტურში 1 ქულა აიღო (პაფოსთან 0:0) და სატურნირო ცხრილის ბოლოსწინა, 35-ე ადგილზეა. მომდევნო ტურში, 20 იანვარს, ბელგიურ ბრიუგეს უმასპინძლებენ.

ყაზახეთის ჩემპიონატი ნოემბერში დასრულდა - კაირათი ქვეყნის ჩემპიონი ზედიზედ მეორედ, ხოლო ისტორიაში მეხუთედ გახდა.