,,საერთო ტკივილი გვაერთიანებს!" - თბილისისა და ბათუმის დინამოები

დღეს, 9 აპრილის მემორიალთან, თბილისისა და ბათუმის დინამოებმა ერთად მიაგეს პატივი ჩვენი ქვეყნის თავისუფლებისთვის თავდადებულ გმირებს.

,,საერთო ტკივილი გვაერთიანებს! მათი სიმამაცე - ჩვენი ისტორიაა! დიდება გმირებს! მადლობა თავისუფლებისთვის!" - წერენ კლუბები სოციალურ ქსელში.

„ჩვენი ერისთვის ასეთ მძიმე და მნიშვნელოვან დღეს, გვინდოდა ერთიანობის მაგალითი გვეჩვენებინა. მართალია, საფეხბურთო მოედანზე ერთმანეთის პრინციპული მეტოქეები ვართ, მაგრამ როდესაც საქმე ჩვენს სამშობლოსა და გმირების ხსოვნას ეხება, იქ ყველანი ვერთიანდებით.“ - განაცხადა ბათუმის დინამოს კაპიტანმა, მამუკა კობახიძემ.

,,9 აპრილი თითოეული ჩვენგანისთვის არა მხოლოდ ტრაგედიაა, არამედ უდიდესი ეროვნული ერთობის სიმბოლოა. დღეს ჩვენი კლუბების აქ ერთად ყოფნაც იმის დასტურია, რომ როცა საქმე ჩვენს ქვეყანას და დამოუკიდებლობას ეხება - ჩვენ ერთნი ვართ." - თქვა თბილისის დინამოს კაპიტანმა, გიორგი ლორიამ.