საკუთარი სოუსით თბილისში? - შვედური მიალბის უჩვეულო მზადება იბერიასთან შესახვედრად

უეფას კონფერენს ლიგის ეგიდით თბილისში გასამართი შეხვედრის წინ შვედურმა მიალბიმ სამზადისი უმაღლეს დონეზე აიყვანა.

კლუბის სპორტულმა დირექტორმა, პატრიკ ანდერსონმა განაცხადა, რომ საქართველოში გამგზავრებისას არცერთი დეტალი არ დაუტოვებიათ ყურადღების მიღმა, ჰიგიენური ნორმების მკაცრი დაცვიდან დაწყებული, კვების რაციონით დამთავრებული.

საინტერესოა, რომ შვედურმა კლუბმა საკუთარი მენიუ და სოუსებიც კი ჩამოიტანა. ანდერსონმა აღნიშნა:

ევროპაში სოუსების მომზადება საკმაოდ უჭირთ.

მან განმარტა, რომ გუნდმა საკუთარი ბეარნეზის სოუსი სპეციალურად წამოიღო. კლუბის ხელმძღვანელობის მთავარი მიზანია, თავიდან აირიდოს ნებისმიერი სახის ინფექცია ან კვებითი პრობლემა, რამაც შესაძლოა ფეხბურთელების ფუნქციონალურ მდგომარეობაზე იმოქმედოს.

მიალბისთვის ეს მოგზაურობა სერიოზულ ლოგისტიკურ და ფინანსურ გამოწვევას წარმოადგენს, თუმცა Strandvallen-ის ბინადარნი ამ ისტორიული მატჩისთვის მაქსიმალურად მობილიზებულნი არიან.

შვედურ კლუბს ევროპული შეხვედრის შემდეგ შიდა ჩემპიონატშიც რთული მატჩები ელის, თუმცა ამ ეტაპზე მთელი კონცენტრაცია თბილისურ დაპირისპირებაზეა მიმართული.

შეგახსენებთ, რომ იბერია 1999 კონფერენს ლიგის მომდევნო მატჩს დღეს, 22 ოქტომბერს, 20:45 საათზე, შვედური მიალბის წინააღმდეგ სახლში გამართავს!

ისტორიული შეხვედრის ბილეთების შეძენა შესაძლებელია ამ ბმულზე.