ალექსანდრა კუვაევა ხმლით ფარიკაობაში, ახალგაზრდებს შორის, მსოფლიო რეიტინგის მე-4 ადგილზეა.
ფარიკაობის საერთაშორისო ფედერაციის განახლებული რეიტინგის თანახმად, ქართველ სპორტსმენს 2025 წელს 85 000 ქულა აქვს მოგროვებული, რითაც საუკეთესოთა შორის მე-4 პოზიციას იკავებს.
18 წლის კუვაევა რეიტინგის მე-3 ადგილზე მყოფ უზბეკ ლუისა ერერა ლარას მხოლოდ 1 000 ქულით ჩამორჩება.
თინეიჯერი ქართველისთვის მე-4 ნომრობა ჯერჯერობით კარიერული მაქსიმუმია - გასული, 2024-25 წლების სეზონი რეიტინგის მე-12 ადგილზე დაასრულა, 2023-24 წლებისა კი - მე-10 პოზიციაზე.
ინფორმაციისთვის, 2026 წლის 20-27 თებერვალს თბილისი, ახალგაზრდებსა და ჭაბუკებს შორის, ფარიკაობის ევროპის ჩემპიონატს უმასპინძლებს.
