საქართველოს ნაკრებისა და ვილი სანიოლის გზები გაიწყო.
ჩრდილოეთ ირლანდიასთან მარცხის შემდეგ ფრანგი სპეციალისტი საქართველოს ფეხბურთის ფედერაციამ გაათავისუფლა. სანიოლთან ერთად საქართველოს ნაკრები დატოვეს მისი შტაბის წევრებმაც, მათ შორის, ასისტენტმა ადელ შედლიმ, რომელმაც სოციალურ ქსელში ვრცელი და ემოციური წერილი გამოაქვეყნა:
უდიდესი პატივი და ნამდვილი პრივილეგია იყო საქართველოს ეროვნულ ნაკრებთან მუშაობა ბოლო ექვსი წლის განმავლობაში. ჩემი კონტრაქტი დასრულდა და, მიუხედავად იმისა, რომ ეს თავი იხურება, მივდივარ მადლიერებითა და მშვენიერი მოგონებებით სავსე გულით.
ამ ექვსი წლის განმავლობაში შევიყვარე ქართველი ხალხი და ფეხბურთელები. ურთიერთობა, რომელიც პროფესიული კავშირით დაიწყო, ბევრად უფრო მნიშვნელოვან რამედ იქცა. ფეხბურთელები ჩემს ძმებად, მეგობრებად და ოჯახის წევრებად იქცნენ. ქართველმა ხალხმა დიდი სითბოთი, სიკეთით, გულუხვობითა და პატივისცემით მიმიღო.
მუდამ მადლიერი ვიქნები იმისთვის, თუ როგორ მიმიღეს და თავი ისე მაგრძნობინეს, როგორც საკუთარ სახლში. საქართველოს ეროვნულ ნაკრებს, ფეხბურთელებსა და მთელ ქართველ ხალხს მხოლოდ წარმატებას, ბედნიერებას და ყველაფერ საუკეთესოს ვუსურვებ მომავალში.
ეს არ არის დამშვიდობება, რადგან თქვენ მუდამ ჩემი ძმები და ოჯახის წევრები იქნებით. საქართველოს ჩემს გულში ყოველთვის განსაკუთრებული ადგილი ექნება. მადლობა ყველაფრისთვის.
