საქართველოს ეროვნული ნაკრები 2025 წლის ბოლო საშინაო შეხვედრას, მსოფლიო ჩემპიონატის საკვალიფიკაციო ეტაპის ფარგლებში, ესპანეთის წინააღმდეგ გამართავს.
მატჩი 15 ნოემბერს, 21:00 საათზე, დინამო არენაზე გაიმართება. თამაშზე დასასწრები ბილეთების გაყიდვა 20 ოქტომბერს, 12:00 საათზე დაიწყება.
გულშემატკივრისთვის ხელმისაწვდომი იქნება ოთხი კატეგორიის ბილეთი და მათი ფასი 20, 40, 70 და 100 ლარია.
თითოეულ თამაშზე ერთ მომხმარებელს მაქსიმუმ სამი ბილეთის შეძენა შეუძლია. ბილეთები მხოლოდ ონლაინ რეჟიმში, biletebi.ge-ზე გაიყიდება. - ინფორმაციას ეროვნული ნაკრების გვერდი ავრცელებს.
ნოემბრის მეორე სანაკრებო მატჩს საქართველოს ნაკრები 18 ნოემბერს ბულგარეთში გამართავს.
