საქართველომ ლიბანს მოუგო - ვინ რამდენი ქულა დააგროვა?

საქართველოს საკალათბურთო ნაკრები დახურულ ამხანაგურ მატჩში ლიბანს დაუპირისპირდა.

ალექსანდარ ჯიკიჩის გუნდმა მეტოქე 19 ქულის სხვაობით, 93-74 დაამარცხა.

საქართველოს ნაკრების მხრიდან ყველაზე მეტი, 13 ქულა მარკის რიდმა და ალექსანდრე ფევაძემ დააგროვეს.

ორმაგი დუბლი მიითვალა ბექა ბურჯანაძემ, რომლის ანგარიშზეც 22 წუთში 10 ქულა და 12 მოხსნა იყო.

22 წუთში 11 ქულა და 7 მოხსნა ჩაიწერა აქტივში გიორგი კორსანტიამ, 10-ქულიან ნიშნულს მიაღწიეს დუდა სანაძემ და გიორგი ტურძილაძემაც.

ლიბანთან მატჩში მონაწილეობა არ მიუღიათ თორნიკე შენგელიას და სანდრო მამუკელაშვილს. შეზღუდული სათამაშო დრო მიიღო გოგა ბითაძემაც, რომელმაც 8 წუთში 9 ქულა დააგროვა.

საქართველოს ნაკრები 23 აგვისტოს ისრაელს ამხანაგურ მატჩში, 28-ში კი მონტენეგროს მსოფლიოს შესარჩევ ეტაპზე ოთარ ქორქიას და ნოდარ ჯორჯიკიას სახელობის თბილისის სპორტის სასახლეში უმასპინძლებს.