სპორტინგის ახალწვეულმა გიორგი ქოჩორაშვილმა Jornal Sporting-თან საუბარში თქვა, რომ მისი ადაპტაცია გუნდში კარგად მიმდინარეობს.
"ყოველთვის ვოცნებობდი ასეთ დიდებულ კლუბში ყოფნას, რომელიც ყოველთვის გამარჯვებისთვის თამაშობს. მე ყოველთვის მქონდა გამარჯვებულის მენტალიტეტი და გასულ წელს ჩვენს მიზანს მივაღწიეთ.
ყველაფერთან ერთად, აქ ყოფნით თავს იღბლიანად ვგრძნობ, რადგან გასახდელს ასეთ დიდებულ კოლეგებთან ვიზიარებ. ორი დღის შემდეგ, თავი ისე ვიგრძენი, თითქოს ამ კლუბში დიდი ხანია ვარ, ეს კი ადვილი მისაღწევი არ არის."
ქართველის თქმით, მას კლუბში ყველა ძალიან თბილად დახვდა.
"ყველა თბილად დამხვდა, არა მარტო სტაფი, არამედ მთელი კლუბი. ჩემი კოლეგები, რა თქმა უნდა და ასევე მწვრთნელი. ის საოცარი ადამიანია. მჯერა, რომ ერთმანეთს ძალიან კარგად გავუგებთ. სპორტინგი ბევრი თავით მაღლაა კლუბის შიგნით არსებული სიტუაციით."
ქოჩორაშვილის პირველი დიდი გამოცდა სუპერ თასზე, ბენფიკას წინააღმდეგ შედგება (31 ივლისი).
"ვიცით, რომ დიდი თამაშია, როცა შენი ქალაქის გუნდს ხვდები. იმედია, ამ მომენტით სიამოვნებას მივიღებ და რა თქმა უნდა, როცა გავიმარჯვებთ, სიამოვნება გაორმაგდება. მჯერა, რომ მზად ვართ და მატჩამდე კიდევ უფრო მზად ვიქნებით.
გიორგიმ თავის მომავალ მიზნებზეც ისაუბრა.
"ბევრი ოცნება მაქვს, რომელიც მოტივაციას მაძლევს. ჩვენ ჩემპიონატი გვაქვს ჩასატარებელი და მოსაგები, ასევე ჩემპიონთა ლიგაზე სათამაშო.
საქართველოს ეროვნულ გუნდთან ერთად კი მსოფლიო ჩემპიონატზე გასვლა მსურს.
