რეალ მადრიდის ვარსკვლავმა, ვინისიუს ჟუნიორმა, Mosh Group-თან ერთად, მადრიდში მულტიფუნქციური რესტორანი გახსნა და საპატიო სტუმრებიც ჰყავდა.
ხოსე აბასკალის ქუჩის 61 ნომერში მდებარე რესტორან 61-ში ვინისიუსმა თანაგუნდელები დაპატიჟა და ერთობლივი ვახშამი მოაწყო.
რესტორნის კედლები ერთგვარი ხელოვნების გალერეაა და ყოველ 6 თვეში ერთხელ განახლდება და სტუმრებს განსხვავებულ შთაბეჭდილებებს აჩუქებს.
Loewe-ის სანთლები სენსორულია, ანათებს და მთელ სივრცეს სურნელს ანიჭებს. პერსონალის ფორმები ბრენდ Casona-ს შექმნილია.
შეფ-მზარეული არგენტინელი ფრანკო ფრანჩესკინია - იგი თავისი ესენციით ამდიდრებს მენიუს, რომელიც გრილზე შემწვარ კერძებს აერთიანებს: ანგუსის ნეკნები, სოლე მენიერი, ტაკო და მისი ტრადიციული ემპანადა. დესერტად კი ბებია ნელის კექსის სახის ნამცხვარია შემოთავაზებული.
ჭამის დასრულებისთანავე, შუქი ქრება, მუსიკის ძლიერი ხმა ირთვება და რესტორანს ღამის კლუბად გარდაქმნის.
Mosh Group-ის მიერ მარბელაში გახსნილი მსგავსი ტიპის რესტორანი წარმატებით მუშაობს, მფლობელების მიზანია, მარბელას ღამის ცხოვრების გარემო მადრიდშიც შეიტანონ.
