ტოტენჰემმა გუნდის მთავარი მწვრთნელის პოზიციაზე იგორ ტუდორის სეზონის ბოლომდე დანიშვნა დაადასტურა.
"იგორი გვიერთდება მკაფიო მიზნებით: გააუმჯობესოს თამაშის ხარისხი, მიაღწიოს შედეგებს და დაგვეხმაროს პრემიერ ლიგის ცხრილში დაწინაურებაში.
მისი მანდატი პირდაპირია – გუნდს მოუტანოს ორგანიზებულობა, ინტენსივობა და კონკურენტუნარიანობა სეზონის გადამწყვეტ ეტაპზე." - წერია ლონდონური კლუბის განცხადებაში.
„დიდი პატივია ამ კლუბში მოსვლა ასეთ მნიშვნელოვან მომენტში.
მე სრულად ვაცნობიერებ პასუხისმგებლობას, რომელიც დამეკისრა, და ჩემი მიზანი ნათელია – ჩვენს თამაშებში მეტი სტაბილურობის შეტანა და თითოეულ მატჩში თავდაჯერებულად და მიზანმიმართულად ასპარეზობა.
ამ შემადგენლობაში დიდი ხარისხია და ჩემი ამოცანაა მისი ორგანიზება, ენერგიის დამატება და შედეგების სწრაფად გაუმჯობესება." - განაცხადა ტუდორმა.
ხორვატიის ნაკრების ყოფილი მოთამაშე ხშირად აღწევდა კარგ შედეგს გუნდებში შუა სეზონში დანიშვნის შემდეგ.
ის მუშაობდა სხვადასხვა კლუბში, მათ შორის გალათასარაიში, უდინეზეში, ჰაიდუკსა და ვერონაში. 2022/23 სეზონში მან მარსელი ლიგა 1-ში მესამე ადგილზე გაიყვანა და ჩემპიონთა ლიგის საგზური მოაპოვებინა.
2024 წლის მარტში იგი ლაციოს შეუერთდა და კლუბმა ევროპა ლიგის საგზური მოიპოვა. ხოლო ყველაზე ბოლოს, 2025 წლის მარტში იუვენტუსში მისვლის შემდეგ, გუნდს ჩემპიონთა ლიგის საგზური მოუპოვა.
