ინგლისის ნაკრების ნახევარმცველმა, ჯუდ ბელინგემმა მთავარი მწვრთნელის, თომას ტუხელის კრიტიკას უპასუხა.
ნორვეგიასთან გამარჯვების (2:1) შემდეგ ტუხელმა განაცხადა, რომ გუნდის თამაშით უკმაყოფილო იყო და ინგლისელებს უბრალოდ გაუმართლათ.
მატჩი მაიამიში, საკმაოდ მძიმე კლიმატურ პირობებში - 32 გრადუს სიცხესა და მაღალი ტენიანობის ფონზე ჩატარდა.
„შესაძლოა მან არ იცის, რას ნიშნავს ასეთ პირობებში ჰალანდის, ედეგორის, ნუსასა და სორლოტის წინააღმდეგ თამაში. ასეთ გუნდთან დაპირისპირება მარტივი არ არის.
ვფიქრობ, ჩვენ შევძელით პოზიტიური ატმოსფეროს შექმნა და ნახევარფინალის წინ ეს განწყობა უნდა შევინარჩუნოთ.
არ შემიძლია ბიჭები არ შევაქო. შეუძლებელია ყოველი მატჩი მხოლოდ ბურთის გორებითა და ათასი გადაცემის გაკეთებით მოიგო.
ხანდახან გამარჯვება ნებისმიერ ფასად არის საჭირო და დღეს საღამოს ჩვენ ეს კიდევ ერთხელ შევძელით,“ - განაცხადა ბელინგემმა.
