შეთანხმება მიღწეულია - გორის დილას ახალი მწვრთნელი ჰყავს

გორის დილას ოფიციალური განცხადებით, გუნდს 46 წლის სპეციალისტი ლევან კორღალიძე გაწვრთნის.

,,ლევან კორღალიძემ სამწვრთნელო კარიერა თბილისის ლოკომოტივში ასისტენტი მწვრთნელის პოზიციაზე დაიწყო, რის შემდეგ ჯერ ამ გუნდის მთავარი მწვრთნელის პოსტი დაიკავა, შემდეგ კი კარიერა თბილისის ,იბერიაში გააგრძელა, სადაც სხვადასხვა დროს რამდენჯერმე დაბრუნდა და გუნდს როგორც საქართველოს ჩემპიონის ასევე საქართველოს თასის გამარჯვებულის ტიტულები მოუტანა.

კორღალიძეს აქვს საქართველოს ფარგლებს გარეთ მუშაობის გამოცდილებაც, იგი 2023-24 წლების სეზონში ყაზახური ჟენისის მთავარი მწვრთნელის პოსტს იკავებდა.

აღსანიშნავია რომ ლევანისთვის დილა უცხო გარემო არ იქნება, იგი 2013-14 წლების სეზონში ჩვენი გუნდის ღირსებას ფეხბურთელის რანგში იცავდა.

ვულოცავთ და წარმატებებს ვუსურვებთ ლევანს ჩვენი კლუბის მთავარი მწვრთნელის რანგში." - წერია კლუბის განცხადებაში.

დიეგო ლონგო და გორის დილა ორმხრივად შეთანხმდნენ, თანამშოლობის შეწყვეტაზე, რის შედეგადაც იტალიელმა სპეციალისტმა გუნდი დატოვა.