"შეცდომის აღიარებას შედეგიც უნდა მოჰყვეს", - ჩაბი ალონსო

ჩაბი ალონსო იმედგაცრუებული დარჩა, რომ დინ ჰაუსენის დისკვალიფიკაცია არ გააუქმეს.

ესპანელმა მცველმა სოსიედადთან მატჩის 32-ე წუთზე წითელი ბარათი მიიღო. მოგვიანებით, სამსაჯო კომიტეტმა მსაჯის მიერ დაშვებული შეცდომა აღიარა. ითქვა, რომ ჰაუსენი იმ მომენტში გაფრთხილებას იმსახურებდა და არა გაძევებას. მიუხედავად ამისა, მცველის 1-მატჩიანი დისკვალიფიკაცია მაინც ძალაში დატოვეს.

„რაღაც მხრივ არ გამკვირვებია. სხვა გადაწყვეტილების ხილვა გამახარებდა, მაგრამ ეს შეუძლებელი აღმოჩნდა.

თუ შეცდომას აღიარებ, ამას შედეგიც უნდა მოჰყვეს, მაგრამ ასე არ მოხდა. კარგი, შევეშვათ." - აღნიშნა ალონსომ.

უკვე დღეს, 20 სექტემბერს, რეალი სანტიაგო ბერნაბეუზე ესპანიოლს დინ ჰაუსენის გარეშე უმასპინძლებს.