შიდა საუბრები - მინიშნება თოფურია-გეიჯის რემატჩზე?

„ელ მატადორი“ საზოგადოების წინაშე სულ ახლახანს დაბრუნდა, მას შემდეგ, რაც გარკვეული დრო ყურადღების ცენტრს მიღმა გაატარა და აღდგენაზე კონცენტრირდა.

მიუხედავად მძიმე მარცხისა, თოფურია ძლიერ დაბრუნებას გვპირდება და აცხადებს, რომ ამ წარუმატებლობამ წარმატების მიღწევის სურვილი კიდევ უფრო გაუძლიერა.

ბევრი მიიჩნევს, რომ 155 ფუნტ წონით კატეგორიაში ორგზის ჩემპიონობისთვის ბრძოლის უფლების მოსაპოვებლად ესპანელს ისეთი ძლიერი პრეტენდენტის დამაჯერებლად დამარცხება დასჭირდება, როგორიც პედი პიმბლეტია.

თუმცა, ANIK BROS-ის YouTube-არხზე გამოქვეყნებულ ბოლო ვიდეოში UFC-ის მთავარმა კომენტატორმა, ჯონ ანიკმა, მიანიშნა, რომ მსუბუქი დივიზიონის საჩემპიონო რემატჩის გამართვასთან დაკავშირებით მოლაპარაკებები მიმდინარეობს.

„ვფიქრობ, შიდა დონეზე მიმდინარეობს საუბრები იმის შესახებ, რომ შესაძლოა გეიჯი - თოფურია 2 გაიმართოს“, - განაცხადა ანიკმა.

„რემატჩი უდიდესი მოვლენა იქნებოდა და, ჩემი პროგნოზით, სწორედ ეს მოხდება“, - დასძინა მან.

გარდა იმისა, რომ გეიჯიმ ამ შესაძლო ბრძოლასთან დაკავშირებით სკეპტიკური კომენტარები გააკეთა, ჯერ ისიც კი არ არის გარკვეული, საერთოდ გააგრძელებს თუ არა კარიერას.

„ჰაილაითმა“ აღიარა, რომ კარიერის დასრულება კვლავ ერთ-ერთ ვარიანტად რჩება მას შემდეგ, რაც მესამე მცდელობაზე მსუბუქი წონის სრულუფლებიანი ჩემპიონი გახდა.

,,ჩვენ დავბრუნდით!" - რას წერს ილია თოფურია სოციალურ ქსელში?