ლატვიის დედაქალაქ რიგაში ევრობასკეტ 2025-ის პირველი მერვედფინალური მატჩი გაიმართა.
პირველი მეოთხედფინალისტი თურქეთსა და შვედეთს შორის გამართულ შეხვედრაში გაირკვა.
შვედებმა, რომლებიც ჯგუფიდან 1 მოგებით გავიდნენ, დღევანდელი მატჩი კარგად დაიწყეს და პირველი ტაიმი მოიგეს კიდეც (37-42).
თუმცა მესამე მეოთხედში თურქებმა თამაშის მოტრიალება დაიწყეს და წინაც გავიდნენ, მეოთხედის ბოლოს კი 10-ქულიანი უპირატესობითაც იგებდნენ.
შვედეთი ბოლო მეოთხედში არ დანებდა და ანგარიში ორჯერ გაათანაბრა, თუმცა თურქებმა ორივე შემთხვევაში შეძლეს წინ გასვლა და საბოლოოდ 6-ქულიანი სხვაობით მოიგეს კიდეც (85-79).
გამარჯვებულ გუნდს ალფერენ შენგუნმა ულიდერა, რომელმაც ორმაგი დუბლი მიითვალა - 24 ქულა, 16 მოხსნა და 6 შედეგიანი გადაცემა.
თურქეთი მიმდინარე ევრობასკეტის პირველი მეოთხედფინალისტი გახდა. მომდევნო ეტაპზე ისინი პოლონეთსა და ბოსნია და ჰერცეგოვინას შორის გამარჯვებულს შეხვდებიან.
