მანჩესტერ სიტის ფეხბურთელები იმ გულშემატკივრებს, რომლებმაც ნორვეგიაში ბოდო/გლიმტთან მარცხის სანახავად იმოგზაურეს, დახარჯულ თანხას დაუბრუნებენ.
ეს გლიმტის ისტორიაში ჩემპიონთა ლიგაზე პირველი გამარჯვება იყო, სიტიმ კი მიიღო გადაწყვეტილება, მატჩზე ჩასულ 374 ბილეთიან გულშემატკივარს, საერთო ღირებულებით 9,357 ფუნტი სტერლინგი აუნაზღაუროს.
კაპიტნების - ბერნარდუ სილვას, რუბენ დიაშის, როდრისა და ერლინგ ჰოლანდის - სახელით გავრცელებულ განცხადებაში ნათქვამია:
ჩვენი გულშემატკივრები ჩვენთვის ყველაფერს ნიშნავს.
ჩვენ ვიცით, რა მსხვერპლს იღებენ ჩვენი ფანები, როცა მსოფლიოს სხვადასხვა კუთხეში მოგვყვებიან, სახლში თუ გასვლაზე, ამას კი არასდროს მივიღებთ გარანტირებულად. ისინი მსოფლიოში საუკეთესო გულშემატკივრები არიან.
ჩვენ ასევე ვაცნობიერებთ, რომ ეს ძალიან რთული მგზავრობა იყო იმ ფანებისთვის, რომლებმაც ყინვაში დაგვიჭირეს მხარი მთელი საღამოს განმავლობაში. ამ ბილეთების ღირებულების დაფარვა ბოდოში ჩასული გულშემატკივრებისთვის არის უმცირესი, რაც შეგვიძლია გავაკეთოთ.“
ოფიციალურ მხარდამჭერთა კლუბის წარმომადგენელმა კევინ პარკერმა დაამატა:
„ბოდო მარტივი ადგილი არ არის მისასვლელად, ხოლო ნულზე დაბალმა ტემპერატურამ ეს საღამო კიდევ უფრო რთული გახადა ჩვენი გულშემატკივრებისთვის.
სიტის გულშემატკივრებსა და ფეხბურთელებს შორის მატჩის დღეს განსაკუთრებული კავშირი არსებობს და ეს ჟესტი კიდევ ერთხელ გვახსენებს ამ ურთიერთობას.“
სიტი შაბათს პრემიერ ლიგაში ვულვზის წინააღმდეგ დაბრუნდება, ხოლო მომავალ კვირას ჩემპიონთა ლიგის ჯგუფური ეტაპის ბოლო მატჩში გალათასარაის დამარცხება აუცილებლად დასჭირდება, თუ ავტომატურად პლეი-ოფში გასვლის შანსის შენარჩუნება სურს.
