მანჩესტერ სიტიმ ჩელსისთან ასოციაციის თასის ფინალში მოპოვებული მინიმალური გამარჯვების შემდეგ ინგლისურ ფეხბურთში უნიკალური რეკორდი გააუმჯობესა, რომელსაც თავადვე ფლობდა.
ეს მიღწევა კლუბის პირველ სათასო ტრიუმფსა და ყველაზე ბოლო გამარჯვებას შორის არსებულ დროის ყველაზე დიდ მონაკვეთს ეხება.
ქალაქელებმა თავიანთი პირველი ასოციაციის თასი შორეულ 1904 წელს მოიგეს, რაც იმავდროულად მანჩესტერული კლუბების ისტორიაში პირველი მთავარი ტიტული იყო. 2026 წლის ამ გამარჯვებით, პირველსა და ბოლო სათასო წარმატებას შორის 122-წლიანი ინტერვალი დაფიქსირდა, რაც ინგლისში ყველაზე დიდი მაჩვენებელია. მეორე ადგილზე ამ მაჩვენებლით მანჩესტერ იუნაიტედია, რომლის პირველ და ბოლო სათასო გამარჯვებებს შორის 115 წელი გავიდა. სხვა თანამედროვე კონკურენტებიდან არსენალის სათასო მაჩვენებელი 90 წელია, ლივერპულის 57, ხოლო თავად ჩელსის 48.
ეს ტრიუმფი სიტისთვის ასოციაციის თასზე მერვე აღმოჩნდა, სულ კი კლუბს ფინალში 15-ჯერ უთამაშია. სიტი გახდა პირველი ინგლისური კლუბი, რომელიც ზედიზედ რვა სეზონია მინიმუმ ნახევარფინალს აღწევს, ხოლო ფინალში ზედიზედ მეოთხედ გავიდა. პეპ გვარდიოლას ამ ტურნირზე უკვე 46 მოგებული რაუნდი დაუგროვდა, რაც იმავე პერიოდში ნებისმიერ სხვა მწვრთნელზე მინიმუმ 9-ით მეტია. აღსანიშნავია ისიც, რომ მეოთხედფინალში ლივერპულის დამარცხებით, სიტიმ ტურნირზე ზედიზედ მე-18 საშინაო გამარჯვება გააფორმა და ახალი რეკორდი დაამყარა.
